((((( عكاش ذياب العنزي)))) رحمة الله


    الدمعه الي لها اسبوعين خانقها

    شاطر
    avatar
    غرور انثى
    مشرفة قسم غرور
    مشرفة قسم غرور

    عدد المساهمات : 18
    نقاط : 42
    تاريخ التسجيل : 05/07/2010
    العمر : 29
    الموقع : كويتاويه

    الدمعه الي لها اسبوعين خانقها

    مُساهمة  غرور انثى في الأربعاء يوليو 07, 2010 10:06 am



    الدمعه اللي لي اسبوعين خانقها
    طاحت قصيدة غرام بروح مرثيه


    وانا عشان أمسح الدمعات اوثّقها
    عسى دموعي تخفّف حرّ مافيّه


    لو كل الاحلام نحلمها نحققها
    ماكان شفت الفراق وجبت طاريه


    فارقت مجبور مافكّرت افارقها
    لاشك حكم القدر مايعرف النيّه


    من قبل ما احب ضحكتها وارافقها
    من قبل نار الله يهدينيا تطغى على الفيّه


    يوم ان شمس المعرفه لاح بارقها
    حسّيت فيها دلع طيبه وعفويه


    وبديت أرتّب من ابياتي وأذوّقها
    واقول من ذوقها ماهي طبيعيه


    لين سرقتني غلا واصبحت سارقها
    وبدا غلانا يزود شويّه شويّه


    شهرين لين استوت فيني مطارقها
    وقيمة شهر من غلاها دور حوليّه


    ونكّست كل البيارق من بيارقها
    تفنى بيارق غرام لعين مهويّه


    صارت تشفّق لوصلي واتشفّقها
    ونبادل الحب حنيّه بحنيّه


    لكن ردا الحظ ضايقني وضايقها
    يوم ابتدت قصّة الحزن الحقيقيّه


    يوم اشتكت والبكا والدّمع مغرقها
    وبان الخبر ياهي الاقدار مخفيه


    حاولت اخفّف حزن روحي واروّقها
    محروق لكن بكاها زادني كيّه


    وصدّقت في حاجةٍ ماكنت اصدقها
    كيف الاوادم تموت وبعدها حيّه


    أو كيف تفلت من يديني وانا اعشقها
    أو كيف تعشقني وتفلت من يديّه


    أو كيف ابن عمها يقدر يعلّقها
    ياعل ابن عمّها تفنى مساعيه


    تأخيرها حاجةٍ ماكنت طايقها
    وشلون ابتحمل الروحه بلا الجيه


    وشلون ابلقى بهالارض ومناطقها
    من فيه عقل الملاك بحسن حوريّه


    منهو يعوّض خفوقي حسن منطقها
    منهو يزيد الحكي لمسات سحريه


    يوم اتبلّى على نفسي واضايقها
    تقول ياعل مافيك يحصل فيّه


    ماني بقاوي عقب هذي مفارقها
    ولاني بناقص تعب والروح مبليه


    ولاني أناني واقول الله يوفقها
    واحيان من حبها كلّي أنانيه


    احيان لاجيت لجل الحشمه اعتقها
    تصيح في داخلي مليون جنيّه


    ياعل منهو فرح فيها يطلّقها
    حتى تردّ ونعيش احلام ورديه



    والكلمه اللي بتحرجني وابنطقها
    ماينفع البدو حب بدون حريّه


    ولو الرجل ماتهزّه بنت عاشقها
    ماكان دمعي يطيح لخاطر بنيّه
    avatar
    بنوته وكلي دلع
    مشرفة قسم المطبخ
    مشرفة قسم المطبخ

    عدد المساهمات : 24
    نقاط : 48
    تاريخ التسجيل : 27/05/2010
    العمر : 27
    الموقع : http://alah.alafdal.net/profile.forum?mode=editprofile

    رد: الدمعه الي لها اسبوعين خانقها

    مُساهمة  بنوته وكلي دلع في الأربعاء يوليو 07, 2010 11:40 am

    صح لسانك ولسان شاع ـرها

    ويع ـطيك الع ـافيه

    كلمات رائع ـه ومميزه
    avatar
    Admin
    Admin

    عدد المساهمات : 68
    نقاط : 185
    تاريخ التسجيل : 25/05/2010

    رد: الدمعه الي لها اسبوعين خانقها

    مُساهمة  Admin في الأربعاء يوليو 07, 2010 11:06 pm


    ـــــــــــــصــــــــــــــح لســــــــــ يعطكي العافية ــــــانك

    cheers cheers cheers cheers cheers cheers
    avatar
    غرور انثى
    مشرفة قسم غرور
    مشرفة قسم غرور

    عدد المساهمات : 18
    نقاط : 42
    تاريخ التسجيل : 05/07/2010
    العمر : 29
    الموقع : كويتاويه

    رد: الدمعه الي لها اسبوعين خانقها

    مُساهمة  غرور انثى في الخميس يوليو 08, 2010 9:23 am

    اخوي ادمن واختي دلوعه
    اشكر مروركم على صفحتي ويعطيكم العافيه
    منورين

      الوقت/التاريخ الآن هو الخميس ديسمبر 13, 2018 4:21 pm